اليوم جابتلكم الحاجة فاطمة شوارما بالدجاج لذييييييذة
الطريقة
كنقطعو دجاج طراف طوال الكمية على حسبكم انا عملت 1 كيلو صدر دجاج
في خلاط الكهربائي كنقطعو 1 مطيشة و1 بصلة ربيطة معدنوس وقسبر 6 فصوص ثوم نصف حامضة غير القشور و 1 حامضة معصرة و نصف كاس زيت و 1 فلفلة حارة طحنو كلشي وزيدو عليه 1 دانون بدون سكر والملح وشوي كامون وخرقوم و فلفلة حمراء وشوي قرفة وشوي ابزار و شوي هيل و 2 ورق سيدنا موسى وخلطو كلشي وخويوه على دجاج وخليوه 6 ساعات او اكثر
منين تبغيو طيبوه كتخويو هادشي فوق شي شبكة وتهزو دجاج وتحطوه في شي مقلة فوق نار متوسطة وانتم كتحركو حتى يطيب او دخلوه الفرن او بالصحة
بالنسبة لخبز
عملت نصف كيلو دقيق ابيض 3 معالق ك زبدة شوي ملح شوي سكر واحد خمارة حلوى 15 غ خلطوه هادشي وزيدو الماء بارد ودلكوها مزياااان خليوها 15 دقيقة وفرقوهم كويرات خليوهم 10 دقائق وبداو طلقو بالمدلك ورشوش الدقيق ومسحو المقلة بشوي زيت وبداو طيبو فيهم
وقطعو خص و حكو خيزو في حكاكة غليضة مطيشة وبصلة كلشي رقيق وبداو تعمرو وعملو صوص الا بغيتو ديال الثوم دهنو به وعمروهم وحطوهم في ماشين بانيني او في مقلة مدهونة بالزيت وبالصحة
ليست هناك تعليقات :