بسطيلة ساهلة بلاداند ايفيلي

اليوم كتقدم ليكم الحاجة فاطمة بسطيلة ساهلة بلاداند ايفيلي وبمذاق رائع كنتمنى تجربوها

المكونات:

نص كيلو بيبي ايفيلي
نص كيلو بصلة مقطعة طول رقيقة
1 معلقة صغيرة سنيدة

ربع كاس زيت
رابعة الورقة 

4 البيضات
زبدة للدهن
رابعة لوز مقلي ومهرمش ومطحون مع 2 معالق سكر صقيل
العطرية : ملح وابزار ومعلقة صغيرة لكل من سكينجبير خرقوم بلدي ، زعفران شعرة راس معلقة قرفة وراس معلقة مروزية - ضرس ديال تومة مطحونة مع شوية ربيع - عصير نص حامضة

الطريقة: 👇

 
في طنجرة نديرو البصلة مع زيت ونشحروها حتى تدبال نزيدو العطرية والحامض والتومة مع ربيع ونديرو لاداند ونحركوها وملي تقلى مزيان نزيدو كاس تلماء ونسدو عليها غير تصفر شوية ونطفيو عليها نحيدو لاداند من الطنجرة ونديرو معلقة سنيدة ونخليوها تشرب شوية ونزيدو في المرقة البيض ونبقاو نحركو حتى تشرب
لاداند لي حيدنا نقطعوه طريفات ونزيدو عليه 2 معالق من المرقة ونخلطوه مع بعض
اللوز مسلوق ومفسخ ومنقي نطحنوه مع 2 معالق سكر صقيل
نفرشو ورقة البسطيلة لتحت ونعملو 4 او 3 في جناب على حسب المول ونديرو طبقة مرقة ونزيدو لاداند ونغطيو بورقة ونديرو لوز ونغطيوها مزيان وندهنوها بالزبدة وندخلوها طيب والتزيين حسب الرغبة وبالصحة