اليوم جابتلكم الحاجة فاطمة الكيتشوب فالدار كيجي بنين خاصكوم تجربوه
المقادير
كيلو ونصف طماطم حمراء + 100 غ سكرسنيدة لي كيساوي نصف كأس زايد شوية+ نصف كأس خل + ملعقة صغيرة مايزينا + ربع ملعقة صغيرة ملح + رشة إبزار أبيض
طريقة التحضير
نقطع مطيشة على زوج ونديرها فالطنجرة على الجهة لي مقطعة وبلا منديرو الماء كيف واضح فالصورباش تنزل لما ديالها بسرعة ومتحرقش حيت مغديش نعملو الماء فالطنجرة
نضيفو مطيشة كاملة ونغطيوها مزيان ونخليوها على عافية مهيلة
ومني طيب وطلق نطحنوها فالخلاط الكهربائي
ونصفيوها وملي نصفيوها نردوها للطنجرة تغلي
نضيفو عليها السكر والخل والمايزينا لي كنصحكم تدوبوه فملعقة صغيرة د الماء عاد تضيفوه
وملي تبدا تشرب وتعقاد نيضفو عليها لملح وادا حسيتي انها معقداش مزيان ممكن تضيفي شوية د ميزينا
وبصحتكم وممكن لي كتعجبو نكهة القرفة في الكاتشوب يضيف م ص أو أي نكهة
ليست هناك تعليقات :