فقاص بالمكسرات كيجي روعة

حتى تزيني المائدة ديالك  فهاد العيد اليوم الحاجة فاطمة جابتلكم فقاص بالمكسرات بدون زيت او زبده صدقوني اكثر من رائع فالمذاق و الشكل:

المقادير:
3 بيضات كبار او 4 صغار قليل ملح 2 معلق جنجلان100 غ مايزينا و 100غ فرينة 120غ سكر كلاصي 80غ كوك100لوز مرطب في الماء 100غ كركاع 100غ مشماش جاف مقطع خميره كيماوية
الطريقة:
* ضربي مزيان البيض و السكر بالخلاط و زيدي قرصة ملح خلطى مزيان عاد زيدي الكوك و الجلجلان و الطحين و مايزينا+الخميرة و زيدي المكسرات
دهنى المول بالزبدة و رشى فرينة
العجينه تكون لينة ديريهم ف مول فرشي ورق الكوزينة و غطيهم ب ورق و دبري فوقو شي صينية طيبيه على نار مهيلة ملي تحيديه خليه يبرد و حيديه من مول ديريه فالمجمد ساعتين و قطعيه و رديه يتحمر